RVK9

Þessi síða er tileinkuð nímenningunum sem íslenska ríkið hefur kært fyrir meinta árás á Alþingi, þann 8. desember 2008. Markmiðið með henni er að safna saman öllu því efni sem málinu tengist, birta nýjustu fréttir og uppfærslur af því – einna helst sem mótvægi við meginstraums fjölmiðla sem flestir eru í eigu ríkisins eða einkaaðila og hafa því markaðs- og/eða valdahagsmuna að gæta í fréttaflutningi sínum

Á þessari síðu birtast reglulegar fréttir um stöðu málsins, fyrirtökur og fleira sem því tengist. Hér er einnig safnað saman utanaðkomandi efni sem tengist dómsmálinu, til dæmis blaðagreinum, myndbönum, og myndum. Einnig má finna lið sem ber heitið Fjölmiðlavaktin en þar umfjöllun annarra miðla um málið skoðuð, greind og gagnrýnd þegar þess er þörf. Einnig eru hér upplýsingar á ensku um málið.

Við sem höldum síðunni uppi þykjumst ekki vera hlutlaus. Hugur okkar er með öllu því andófsfólki sem út um allan heim þarf að fara í gegnum réttarhöld og sitja af sér fangelsisvist, með tilheyrandi áreiti fjölmiðla, lögreglu og (oft á tíðum) almennings, fyrir það eitt að standa fast á sínum róttæku og óvinsælu skoðunum, og gera eitthvað til að framfylgja þeim.